Eksperienca jonë në projekte serioze

Geokos A&A ka mbështetur projekte komerciale, industriale, infrastrukturore dhe energjetike me hulumtime gjeoteknike të kryera me përgjegjësi profesionale. Më poshtë janë disa nga sektorët dhe projektet ku eksperienca jonë në terren, testime dhe interpretim teknik ka mbështetur vendime reale në projektim dhe ndërtim.

Objektet Afariste Banesore

Që nga viti 2005, Geokos A&A ka realizuar hulumtime gjeoteknike për objekte afariste dhe banesore shumëkatëshe në projekte të ndryshme në Kosovë. Punimet janë zhvilluar për ndërtesa me shkallë dhe kompleksitet të ndryshëm, duke përfshirë projekte me bodrume të shumta dhe lartësi të konsiderueshme.

Shërbimet tona në këtë kategori kanë përfshirë shpime gjeomekanike, testime fushore, testime laboratorike dhe interpretim të parametrave gjeoteknikë për të mbështetur projektimin dhe ndërtimin. Këto hulumtime janë kryer sipas kërkesave të projektit dhe kushteve specifike në terren, me fokus në sigurimin e të dhënave të besueshme për vendime inxhinierike.

Disa nga klientët dhe projektet e përfaqësuara në këtë kategori përfshijnë:

Ndër projektet kryesore në këtë kategori përfshihet edhe mbikëqyrja e punimeve të dheut dhe testimet gjeomekanike fushore për objektin e Ambasadës Amerikane në Prishtinë, në bashkëpunim me klientin BL Harbert, projekt i realizuar gjatë viteve 2015–2019.

Aeroportet

Geokos A&A ka mbështetur projekte të rëndësishme aeroportuale me hulumtime gjeoteknike dhe testime të realizuara sipas kërkesave të projekteve dhe kushteve specifike në terren. Në këtë kategori përfshihen punime të realizuara për Aeroportin Ndërkombëtar të Prishtinës dhe Aeroportin Ndërkombëtar të Vlorës.

Për Aeroportin Ndërkombëtar të Prishtinës, Geokos A&A ka realizuar hulumtimin e plotë gjeoteknik për terminalin e ri, duke përfshirë shpime, testime laboratorike për granulometri, kufijtë e Atterbergut, rrëshqitje direkte, testime triaxiale dhe testime të konsolidimit. Në bazë të modelit gjeoteknik të krijuar nga këto hulumtime është mbështetur projektimi përfundimtar i objektit.

Në kuadër të zgjerimit të pistës së Aeroportit të Prishtinës, gjatë viteve 2018–2021 janë realizuar testime fushore gjeoteknike dhe testime laboratorike për të mbështetur projektin. Punimet kanë përfshirë testime CBR, testime të kontrollit me rërë, testime Proktor dhe testime të përmbajtjes së lagështisë.

Për Aeroportin Ndërkombëtar të Vlorës, Geokos A&A ka realizuar testime CPTu për të mbështetur vlerësimin e kushteve gjeoteknike të shtresave ekzistuese. Gjatë këtyre punimeve janë ekzekutuar dhjetëra testime CPTu, duke siguruar të dhëna në kohë reale për interpretim dhe projektim.

Infrastruktura Rrugore

Disa nga projektet kryesore të infrastrukturës rrugore për të cilat kemi kryer hulumtime gjeoteknike përfshijnë Autostradën Ibrahim Rugova (që lidh Kosovën me Shqipërinë), Autostradën M5 Prishtinë – Mitrovicë, Rrugën A (Rruga e Rrethit në Prishtinë), Zgjerimin e Rrugës Istog-Prizren, etj.

Për këto projekte, janë kryer shpime gjeoteknike deri në një thellësi prej 20m, duke përfshirë Teste Standard të Penetrimit (SPT), teste të ujëpërshkrueshmërisë dhe teste të identifikimit të dheut.

Deponite

Ne vitin 2018 dhe 2019 , sipas kerkeses se Zyres se Bashkimit Europian ne Kosove, kemi realizuar shpime per deponine e mbeturinave te rrezikshme ne fshatin Harilaq. Sfida kryesore e ketij projekti ka qene koordinimi me klientin, Ministrine e Mjedisit, dhe FSK per pastrimin e terrenit nga minat ne lokacionet ku kane qene te planifikuara shpimet gjeomekanike. Lokacioni eshte hulumtuar me sukses ne vitin 2019.

Geokos A&A ka qene i perfshire edhe me Termocentralin Kosova e Re, qe ka qene I planifikuar te realizohet nga Contour Global. Per kete projekt, kemi realizuar hulumtimin gjeomekanik per deponine e hirit dhe gipsit ne Kosoven A. Shpimet jane realizuar deri ne thellesi 90m nga siperfaqja ekzistuese. Jane ekzekutuar edhe testime te ujepershkueshmerise, testime CPTu, dhe testime gjeomekanike laboratorike.

Gjate viteve 2018, 2019, 2020, 2021, dhe 2022, Geokos A&A ka realizuar edhe hulumtime gjeomekanike per deponi te mbeturinave me kerkese te COWI AS/DK dhe GITEC-IGIP GmbH ne:

Tubat e Gazit

Gjate viteve 2016-2018, Geokos A&A ka qene pergjegjes per testimet CPTu ne projektin TAP (Trans Adriatic Pipeline) ne Shqiperi. Testimi me modern gjeoteknik, CPTu eshte realizuar ne stacionet e pompimit ne Fier, ne thellesi 50m nga siperfaqja e tokes.

Perpos testimeve te thella, me CPTu kemi testuar edhe te gjithe linjen e gasit, duke filluar ne kufirin me Greqi ne Kapshtice, deri ne daljen e detit Adriatik ne Fier (rreth 120 km gjatesi).

Gjate vitit 2021 poashtu eshte realizuar hulumtimi gjeomekanik per Tubin e Gasit Fier-Vlore me ane te paisjes CPTu, ku te dhenat e litologjise se tokes jane marre ne kohe reale per te pershpejtuar procesin e projektimit.

Sektori Energjisë

Geokos ka kryer me sukses hulumtime të plota për një spektër projektesh në Sektorin e Energjisë. Në veçanti, 70 MW Zatriq Wind Plant, Parku Diellor i Kosuriqit 140 MW, dhe Projektin Strategjik të Sigurisë së Energjisë IPA 2024, janë ndër projekte të shquara. Gjithashtu, Geokos ka luajtur një rol themelor në formimin e peisazhit të infrastrukturës përmes pjesëmarrjes së tij në projekte kritike si Linja e Transmetimit Elektrik nga Obiliq në Mitrovicë, si dhe Linjat e Transmetimit Elektrik në Fushe Kosovë, Rahovec dhe Mitrovicë.

Kompania ka kontribuar gjithashtu në avancimin e sektorit përmes angazhimit të saj në Studimin e Mundshëm të Fizibilitetit S4K, duke adresuar aspektet themelore të gjithanshmërisë së projektit. Përvoja e Geokos shtrihet edhe në hulumtimin e Nënstacioneve Elektrike në të gjithë Kosovën, duke nënvizuar angazhimin tonë në arritjen e stabilitetit gjeoteknik edhe në fushën e energjisë. Disa nga klientët tane në fushen e Energjise janë: Zyra e Bashkimit Evropian, Kosove, Eurokos Holding, Solariss, ABB, Siemens, CES Clean Energy Solutions, dhe shumë të tjerë.